13.2.11
Íbúð í Stokkhólmi - til sölu!
Á síðu Lottu Agaton rakst ég á þessar myndir. Aldrei finn ég neitt þessu líkt á okkar ágæta fasteignavef - allar frekari upplýsingar hér.
12.2.11
9.2.11
3.2.11
Tímamót 2011 - nýtt dagatal
Nýtt dagatal sem örvar sköpunargleðina er komið út!
Með því að merkja inn viðburði með skreytingum eða skrifa það sem við á, gerir hver og einn dagatalið að sínu.
Hönnun: Ólöf Jakobína Ernudóttir og Linda Guðlaugsdóttir.
Prentun: Reykjavík Letterpress.
Tímamót fást í Bókabúð Máls og menningar, Epal, Hrím Akureyri, Iðu, Kokku, Mýrinni Kringlunni, Norrænahúsinu, Safnabúð Þjóðminjasafnsins og í vefversluninni uma.is
2.2.11
Eldhús Einrúms
Karl Petersson tók þessar fallegu myndir í eldhúsi Einrúm-arkitektanna Kristínar Brynju Gunnarsdóttur og Steffans Iwersen í Glaðheimunum. Fleiri myndir í Gestgjafanum.
Focus-hnífapörin
Í síðustu viku datt ég í lukkupottinn þegar ég fann í Góða hirðinum Focus-hnífapör frá Gense (hönnuð af Folke Arström árið 1955), hníf, gaffal og skeið fyrir sex og það alltsaman enn í kössunum. Þetta hafa eflaust verið sparihnífapörin á einhverjum bænum, ansi gömul en mjög lítið notuð. Nú er ég því loksins búin að eignast sparihnífapör og get haldið áfram að safna, því Gense hóf á ný framleiðslu á þeim árið 2007 og fást þau í dag hjá Aurum.
Gestgjafinn á næsta blaðsölustað
Hollur og góður fiskur. Úlfar Finnbjörnsson sá um matseldina, Kristinn Magnússon myndaði og ég sá um stíliseringu.
1.2.11
Björk
Þessar dásamlegu ullarmottur, hannaðar af Lenu Bergström, heita Björk og eru frá Design House Stockholm - fást í Aurum.
Gerast áskrifandi að:
Færslur (Atom)
