blágrátt + súkkulaðibrúnt

er að mínu mati alveg einstaklega falleg litasamsetning ...

Sköna Hem

Á síðu Sköna Hem má finna nokkur skemmtileg innlit eins og t.d. þetta hér, en þar var gömlum skóla í Stokkhólmi breytt í íbúðir.

Gúmmídúllur

Þessar glasamottur eru dálítið skemmtilegar. Hönnun Jansen+co.

Innlit til Helenu Christensen

úr maí hefti franska Vogue (myndir: The Selby).

Ísbjörn á reki

Þetta er nú einn sætasti baðtappi sem ég hef séð ... og ég sem á bara sturtu. Framleiðandi er Propaganda.

Marimekko veggfóður

Nýjasta nýtt frá Marimekko eru veggfóður. Þetta finnst mér fallegt!

Vinnustofu í kjallarann

Vá, þetta dreymir mig um - að kaupa herbergið sem er hér beint fyrir neðan og bæta því við íbúðina. Það fer ekki mikið fyrir svona stiga ... Myndirnar eru af síðu NORM-arkitekta.

Hvít blóm á hvítum vegg

finnast mér óskaplega falleg, hvort sem þau eru úr postulíni eða pappír.

Tekksófaborð óskast

Ein góð vinkona mín er búin að vera að leita í óratíma að tekksófaborði með hillu. Er kannski einhver sem lumar á slíku og vill gjarnan losna við? Ef svo er, endilega "commentið" á þennan póst eða sendið mér línu á olofjakobina@gmail.com

Myndaveggir

... þar sem öllu ægir saman eru í miklu uppáhaldi hjá mér. Auðvitað fer það eftir myndunum hvernig tekst til en hér eru nokkur skemmtileg dæmi.

Rússaperurómantík

Mér finnst alltaf svolítið flott þegar náttborðslampanum er sleppt og hangandi ljós notað í staðinn eins og hér á þessum myndum (myndir: Adrian Briscoe og Andreas Larsson).

Draumaheimili

Belgíski ljósmyndarinn Frederik Vercruysse tók þessar fínu myndir rétt eins og hér og hér. Þetta hús gæti alveg hentað mér og minni fjölskyldu, íbúð á neðri hæð og vinnustofa á efri, stórir gluggar, hátt til lofts ... en Hjarðarhaginn er betri því mig langar ekkert sérstaklega að búa í Belgíu.

Haustmarkaður á Árbæjarsafni

Á morgun, sunnudag, frá kl.13-16 verður haldinn markaður á Árbæjarsafni. Þar verð ég að selja kökudiskana mína, tréjólatré (ekki seinna vænna) og eitthvað fleira. Hvet ykkur til að koma við á sunnudagsrúntinum - það er spáð dásamlegu veðri ;)